العمر .. رقم

- كم عمرك ؟

فستكون الاجابه برقم … 10-20-30-60 بالطبع هو رقم لا اكثر ولا اقل 

كثر الكلام مؤخرا عن تفاوت التفكير بين الاجيال المختلفه فالجيل الاكبر دائما ما يظن نفسه اكثر درايه بالامور بينما يظن الجيل الصغير انه اكثر اطلاعا و تطورا .. و لكن كل هذه مجرد ظنون 

بالطبع الخبره عامل مؤثر في كثير من امور الحياه .. تعرضلك لمواقف اكثر يخلق لديك قدره اكبر للتعامل مع المشاكل بشكل سليم و اقل توترا.. و لكن من قال ان الخبره ترتبط بالعمر ؟ بالطبع لا يتساوى رجل لا يقوم بتجربه اي جديد و يقضى يومه بشكل روتيني برجل دائما ما يواجه الحياه فيكتسب الخبره 

بالطبع لا يتساوي لاعب كرة قدم يبلغ من العمر الاربعين عام بالدوري المصري بلاعب يبلغ من العمر ثلاثين عاما لعب بالعديد من البلدان الاوروبيه … فالخبره ليس لها علاقه بالعمر .. فالعمر مجرد رقم 

هل سمعت عن السيده الصينيه التي تبلغ من العمر 107 عاما و قامت بالذهاب للمدرسه الابتدائيه في الصين ؟ و يقوم اولادها بتوصيليها للمدرسه يوميا و قامت شركات صينيه بإهدائها عدسه مكبره و سماعات للاذن و ذلك نظرا لضعف سمعها و بصرها و اصبحت محور حديث للصحف العالميه .. عندما سؤلت عن شغفها بالدراسه في هذا السن قالت بعد ان ربيت اولادي فحان وقت ممارسة ما فاتني .. على النقيض هناك الشباب في العاشره من عمرهم لا يرغبون في التعليم .. فهنا ايضا اذا نظرت لذلك ستجد ان العمر مجرد رقم 

اما عن صعيد الجوائز و الانجازات فستجد ان كلاينت ايستود حاز على جائزة الاوسكار في عامه الرابع بعد السبعين .. على النقيض جاكي كوبر قد نال ترشح للاوسكار و هو في عامه التاسع .. العديد من الممثلين بالعالم يحاولون بشتى الطرق و هو فعلها و هو  ماذال يذهب الى الابتدائيه 

اما عن نوبل فهذا العام ترشحت الباكستانيه مالالا يوسف زاي لجائزة نوبل بالسلام و هي في السادسه عشر من عمرها فقط … فهنا ايضا العمر مجرد رقم 

حتى في قصص الحب .. ربما قصة الحب التي دامت سنوات بين مايكل دوجلاس و كاثرين زيتا جونس التي استمرت سنوات و هو يكبرها 26 عاما فهنا ايضا لم يجدوا بينهم اختلاف فكري .. الثنائي الاشهر بالعالم الان بكيه و شاكيرا فهي تكبره عشر اعوام .. فالعمر هنا ايضا مجرد رقم

العجوز او الكهل ليس هو من تخطى سن معين بل  هو من توقف عن كثير من الانشطه لوصوله لسن معين فانت لا تشيب الا اذا شابت روحك فلا تتوقف كثيرا عن العمر و لا تتوقف عن عمل الافعال الصبيانيه اذا كانت تجلب لك السعاده ولا تسبب اضرار للاخرين .. فلا تنتبه كثيرا للعمر .. فهو مجرد رقم 

تعلم الالش :D

ده زي درس في الالش كده و معلومات عنه و لو مابتحبش الالش اقراه عشان محدش يألش علييك


* مبدأيا كده فيه basics لازم تعرفها قبل ما تبدأ تفكر ترخم او تألش


- الالش بيحتاج لسرعة بديهه عشان تعرف تجيب الالشه 

- الالشه بتحكم يعني فيه اوقات بتطلب ألشه دي قولها علي طول .. اوعاك تكون رخم بس ممكن تسترخم … بمعنى قبل ما تقول الالشه تبقي عارف انها هتعجب الناس او تبقى عارف انها هتحسسهم برخامه و كل واحده ليها وقتها :D

- اياك و الالش المحفوظ ماتسمعش ألشه و تروح تكررها » try to be creative .. دايما هتلاقي ألش جديد بيقابلك


ممكن نبدأ النهارده ب ” فن الرد “ 

فن الرد بيعتمد ع الرد الصادم انك بتتسأل سؤال مجرد سؤال روتيني و الاجابه تبقى معروفه ملل في الشعب فانت تغيره :D


عندك مثلا … عامل ايه ؟
- احسن منك


- واحد يسخف عليك يقولك … ايوه يعني عايز ايه ؟
- عاوز صوبيا برتقان


التجمع فين ؟
لو التجمع الخامس فهو في القاهره الجديده


الحاج بيزغقلك و يقولك … و انت مابتحاسبش نفسك خالص ؟
- اصل معاييش كالكلاتور


الدكتور في الكليه يقولك … فانت تسكت و ماسمعش صوتك
- ترد .. فانتا تفاح


جايز جدا تكون شايف الحاجات دي كلها قبل كده .. و ده المطلوي اثباته .. انك ماتحفظش الاجابه .. انك تكرييت اجابه على نفس النمط :)


الالش فيه نوعين

ألش الكلمه
و ده الاكثر انتشار

مثال .. وريد … وريد توفيق

علو صوت السقف .. السقف بيقع

شرطه مايله ..الشرطه و الجيش ايد واحده

ألش الموقف
و ده اكثر احترافا

مثال .. كتاب الفيل الازرق ده تقيل اوي

(واضح ان الالشه بتقول الكتاب تقيل عشان وزن الفيل مش ألشه علي حروف كلمه )

حد كاتب lost

تدخل تحطله google maps :)


ده اول توبيك عن الالش
to be continued …

قراطيس فكريه (5)

- الانسان لو اده الزعل اللي بيجيله حقه بذمه .. مش هيلاقي وقت باقي في حياته ‫#‏مش_فلسفه‬

- الواحد بعد 3 سنين من الثوره اكتشف اننا وصلنا لدرجه فعلا حرام تضيع مجهود في طلب عام في البلد دي ماتستحقش حتى رباط جزمتك يتفك عشانها حاليا .. و ده مش كرها في البلد

- مش فاهم يعني ايه ووركينج ات ” لسه شويه ” بحاول الاقيلها تفسير مش لاقي و الغريب في الامر ان الموضوع منتشر بنسبه كبيره

- اللي عاوز يحرق الدهون من المفضل انه يشرب حاجه سخنه ‪#‎alsh‬
- اهم حاجه السقوط بعد الوقوع

- الافلام ال based on true story من الحاجات اللي بيبقى ليها طعم و لو الفيلم كويس فدي بتضاعف حلاوته لما تعرف انه قصه حقيقيه .. و بتفيد لما تسمع تجارب غيرك عشان كده اغلب الافلام المرشحه لأوسكارز السنه دي كده

- اغنية mad world من الاغاني الحلوه في الحياه

- مقيش حاجه في الدنيا اللي و فيها جانب ايجابي حتي لو حاجه سيئه جدا فيها جانب ايجابي انك اتعلمت منها ‫#‏مش_تنميه_بشريه‬

- مش عارف حاسس ان احساس التمرد المؤقت ع الموبايل ده هيبقي من التحديات الصعبه في الحياه مع انه هيبقى مريح ليك جدا فاللي يعرف يقعد اسبوع من غير موبايل مايترددش يجربها

- الشعب المصري شعب مجروح بطبعه .. حساس بطبيعته .. ملئ مؤخرا بالفقرات المسليه بجد - راجع معجب احمد شيبه و حمبوله و اثناء المواصلات - :))

- ديل كارينجي من احد كبار التنميه البشريه في العالم مات منتحر و ده من الحاجات اللي بتأيد انها سبوبه و مش هتتغير الا من جواك

- اختراع الريموت اللي بيطفي النور ده شئ ممتاز بيساعد ع الانتخه .. بس الاوحش منه ان الريموت بيضيع كالعاده و الواحد بيقوم يدور عليه فيطفي الكهربا

- الكائن الوغد هو اللي يشتمك في كومنت .. اما الكائن المستفذ هو اللي يعمل على شتيمتك لايك

- مش عارف ليه في المسلسلات المصريه بعد كل حادث لازم المستشفي يبقي مافيهاش دم المصاب و لازم يبقي اللي خبطه نفس الفصيله

نصايح قبل النوم

١- ” عود نفسك تستمع بالسئ .. ابتسم فالقادم اسوأ “

٢- ” nothing is accomplished without sacrifice 

يعني مفيش حاجه بتكمل من غير تضحيه ”

٣- ” لو كل واحد ركز في حاله اكتر ماهو مركز الغير .. الحياه هتبقى احلى “

٤- ” خد الإعلام عندنا كفقره كوميديه .. مش هتتعصب ده بالاضافه انك هتلاقي اللي يضحكك :)

٥- الحاجات اللي بتفكرك بالطفوله ارجع جربها لانها هتحسسك بسعاده حقيقيه

٦- ” كتب التنميه البشريه بقت سبوبه .. مالكش دعوه بيها … كتب احلام مستغانمي حريمي “

٧- ” خليك مقتنع ان كل انسان شايف نفسه بيفهم دي طبيعه بشريه مش مشكله .. المشكله تكمن بقي في اللي فاكر انه - الوحيد - اللي فاهم ده تتجنب نقاشه “

٨- جرب لخبط في الاكل الحلويات .. حط من ده علي ده .. هيطلعلك حاجه في الاخر تحسسك بسعاده :)

٩- ” ماتحاولش تشتغل ناقد طول ما انت قاعد تنقد في حاجات .. ده ببساطه لانك مش محتاج تحاول انت اصلاً ناقد :) “

10- المفروض لو حد بعد عنك تشكره .. لانه ده افضل كتير من انه يبقى جنبك و ينافقك

11- الدنيا لو جارحه .. لونها لون قرمزي

12- ماتحولش تحارب الحظ ولا تعاند معاه ولا تديله اكبر من حقه - عمليه مركبه -

13- ماتكسلش انك تقوم تجيب ريموت التلفزيون .. لان ده هيحبرك تشوف حاجات عجيبه

١4- ” اوعي تاخد نصيحه من حد قبل ما ينام لأنه عادة بيبقى وصل لدرجه من الهذيان “