كريستفور ماكندلس
كان زهقان من بيته لان فيه مشاكل بين والده و والدته مع انها مشاكل عاديه .. والده كان اللي قام بتصميمات ناسا للرادار الامريكي الفضائي
كان عنده حلم انه يعيش في البريه لوحده و اول ما اتخرج في سن 22 سنه بدأ ورا حلمه
ساب العربيه في الشارع و حرق الفلوس اللي معاه ماكنش حابب يبقى معاه اي حاجه من اهله حتي سمى نفسه كريستوفر سوبر ترامب (الرحاله الاعظم )
استمرت رحلته علي ما وصل ل ألاسكا لسنتين
كان بيركب قطورات بضايع .. يركب مع عربيات في الشارع اشتغل في مزرعه و اشتغل في محل اكل و سابه عشان الست قالتله لازم تلبس شراب .. مكانش بيحب ياخد امر من حد
تغلب علي حاجات كتير عشان يوصل لحلمه انه يوصل لألاسكا و يعيش هناك وسط البريه و معاه كتاب عن الحياه البريه و بتدقيه يصطاد بيها الحيوانات و يشويها و كده
او ما وصل هناك بعد وقت لقي اتوبيس صغير سماه ( the magic bus )
لقى فيه رز و مكان مقفول ينام فيه و ملتزمات الحياه و كان مقتنع ان ربنا في السما و هو يقدر يعيش ع الارض من غير فلوس لانها مجرد سلطه
وصل لحلمه بعد سعي سنتين و كان بيسجل كل يوم كتابه و بدأ يصطاد حيوانات ياكلها و يتعايش بحريه كامل
بعد 3 شهور بدأ الاكل اللي معاه يخلص و بدأ موسم مش لاقي اي حيوانات في المكان .. بدأ يدور في الاكل المزروع .. مع الوقت حس بملل جامد و اكل حاجه مسمومه خلته مزغلل علي طول و وزنه راح خالص و معدش لاقي اكل
بعد 100 يوم و شويه في البريه مات .. اخر حاجه كتبها في كتابه قيل ما يموت
" happiness is real only when shared "
و اكتشف ان السعاده الحقيقيه لما تشاركها الناس و اكتشف ان كل حلمه اللي فضل متمسك بيه كان غلط و فيها ايه لو كنت قابلت ابويا و امي بضحكه و قال كده في اخر الكتاب و مضى باسمه الحقيقي
قبل ما يموت حب يسيب للناس تجربته حتى و هو خلاص مش فادر يمسك القلم كان مصمم يكملها ... بعد اسبوعين من موته صيادي الموظ لقو جثته في العربيه و معاها الكامير عليها الصوره دي اخر صوره ليه
اللي حابب يعرف القصه اكتر و وصل ازاي و لقى ايه في طريقه
يقرا الكتاب اللي كتبه اللي لقوه في العربيه اسمه " back to the wild " او فيلم " into the wild "
ليست هناك تعليقات:
إرسال تعليق