مطلوب عروسه

محاوله شعريه كومديه شويه :)


مطلوب عروسه

مطلوب عروسه تكون اموره
و عليا كمان تكون غيوره
تفضل معايا في كل لحظه
و في وقت الهم تكون صبوره

كل ماتشوفني تقول يا حبي
و للعيال تعرف تربي
احس معاها بالامان
لاسرار بيتنا تعرف تخبي

مطلوب عروسه دماغها حلوه ... تقف حنبي في أي بلوه

عليزها هاديه زي الملاك
ماشوفش معاها ايام بلاك
الوقت بسهوله يعدي معاها
و تبعدني عن اي هلاك

للمطبخ تكون غاويه
و للقرايه تكون هاويه
و اكيد روحها تبقي حلوه
ماتبقاش ع النكد دايما ناويه

عروسه تكون تعرف ربنا
مس كل شويه تقول ذنبنا
يعني ببساطه انا عايزها
تقدر تحافظ علي حبنا